Mari Didrikke: – Eg jobbar kvar dag for å glede dei rundt meg

24. des: Mari Didrikke er ein kulturarbeidarsau som kvar dag skal jobbar iherdig for å glede dei rundt seg. – Eg vil på vegner av sauen.no ynskje alle ei god jul, seier Mari Didrikke.

Mari Didrikke er dotter av tillitsau Oddveig, som innrømmer ho er veldig stolt av Mari Didrikke.

– Det er ikkje småtteri å vere kulturarbeidar. Ein skal ha stor arbeidskapasitet, vere kreativ og løysingsorientert, ha svært godt humør, sørvisinnstilt og levere tenester av høgste kvalitet, seier Oddveig.  Sjølv om tillitssauen er noko inhabil, så meiner ho at Mari Didrikke har alle desse eigenskapane.

Sauen.no er kjent med at alle sauer er kulturarbeidarar i den forstand at dei jobbar iherdig for å ta vare på kulturlandskapet. Her kjem Fjellaren inn med ein kommentar.

-Men det å vere kulturarbeidar i denne flokken på Fjellet, inneber så uendeleg mykje meir. Skal ein flokk fungere optimalt, må flokken ha kulturelle opplevingar saman. Då må nokon planlegge og organisere dette. Ein kvar flokk treng ein som kan arbeide for å glede andre. Det er berre dei aller beste søyene som blir plukka ut til dette. Og Mari Didrikke er heilt spesiell, seier den elles ordknappe Fjellaren til sauen.no.

No skriv vi 24. desember 2022, og julekalendaren til sauen.no er komen i mål.

– Tusen takk til alle som har følgt oss i desember. Vi håpar at de vil henge med vidare. Ta vare på kvarandre der ute, og ha ei god jul!

Takk for oss! Her kjem rulleteksten: