Det er vår, og det kjem stadig nye medlemmer i flokken Fjellet. Det første som møter dei er Fjellaren.

– «Mor, eg vil tilbake» er difor ein song som passar godt til det som møter dei nyfødde lamma, seier Oddveig, som også er tillitssau for nykommarane.

– Vi er kjent med at vi er inne i ei heilt spesiell tid. Det er mange som har det tøft som følgje av korona-viruset. Ein uheldig konsekvens for oss i denne korona-tida, er at Fjellaren ikkje reiser til fastlandet for å arbeide.

Krisetid: Tillitssauen Oddveig håpar på normale tilstander der dei igjen får fri frå Fjellaren på dagtid. (Foto: Håvar Fagerli)

Oddveig opplyser til sauen.no at lamminga i år så langt har gått overraskande bra, sjølv om Fjellaren har blanda seg vel mykje inn. – Vi har i grunnen prøvd å oversjå han, og lure han over på andre arbeidsoppgåver slik at han ikkje går i vegen. Akkurat det har fungert veldig bra, smiler tillitssauen.

Under kan de høyre songen «Mor, eg vil tilbake» av Jan Eggum, medan de kan sjå bilete av nokre av nykommarane til flokken. Sauen.no ynskjer både lam, sauer og Fjellaren lukke til framover! Det er ei spesiell tid, på alle måtar.

Heilt greitt: – Det er heilt greitt å vere her, trass alt! (Foto: Håvar Fagerli)
Vil på nett: Dette lammet ville bli fotografert og publisert. Sauen.no valde å innfri dette ynskjet. (Foto: Håvar Fagerli)
Sosialt i sola: Avstand er noko ein ikkje treng tenkje på her på Fjellet, seier Oddveig. (Foto: Håvar Fagerli)
Val: Det er vanleg å spørje små individ om kva dei drøymer om bli når dei vert store. – Eg vil bli livdyr, seier denne bestemte krabaten. (Ikkje dumt, journ. anm.) (Foto: Håvar Fagerli)
Draum: Dette lammet ynskjer å bli optimist. Sauen.no ynskjer lukke til. (Foto: Håvar Fagerli)